Category News

सूचना!

राष्ट्रिय अपाङ्ग महासंघ नेपाल र सिबिएम …

समावेशी शिक्षा सम्बन्धी प्रशिक्षक प्रशिक्षण तालिम (MTOT) सम्पन्न

समावेशी शिक्षा सम्बन्धी MTOT पश्चात सहभागिहरुसँग लिइएको सामूहिक तस्विर
राष्ट्रिय अपाङ्ग महासंघ नेपालको आयोजना तथा माईराईटसँगको साझेदारीमा समावेशी शिक्षा सम्बन्धी प्रशिक्षक प्रशिक्षण तालिम (MTOT) मिति २०७८ साल असोज १९- २१ गतेसम्म उदयपुरको गाईघाटमा सम्पन्न भएको छ । बालबालिकाको रुचि, क्षमता र वैयक्तिक आवश्यकताका आधारमा अपाङ्गता भएका बालबालिकाहरुलाई सुहाउँदो शिक्षा अरू बालबालिकासँगै उपलब्ध गराउने कार्य समावेशी शिक्षा हो । शिक्षा पाउनु सबै बालबालिकाको नैसर्गिक अधिकार हो ।  नेपालको संविधान (२०७२) को धारा ३१ ले यो अधिकारलाई स्थापित गरेको छ । सबै वर्ग र क्षेत्रका बालबालिकाको सामाजिक न्याय, पहुँच र प्रतिनिधित्वका लागि समावेशी शिक्षाको सवाललाई संघदेखि प्रदेश र स्थानीय तहसम्म पुर्याउन अधिकारकर्मीहरुलाई अझै सकृय बनाउनु यस तालिमको प्रमुख उद्देश्य रहेको छ । उक्त तालिम अपाङ्गता अधिकारमा लामो समयदेखि अपाङ्गता भएका व्यक्तिहरुद्वारा संचालित संस्थाका क्रियाशिल ३८ जना अधिकारकर्मीहरुलाई  प्रदान गरिएको थियो ।

“मेरो जनगणना मेरो सहभागिता, राष्ट्रिय जनगणना २०७८”

यो पोष्टर अपाङ्गता समावेशी जनगणना सम्बन्धि सचेतनाका लागि बनाईएको हो। यसमा जनगणनामा अपाङ्गता भएका व्यक्ति छुट्नु हुँदैन भन्ने सन्देश समेटिएको छ । पोष्टरको माथिल्लो भागमा ठुलो अक्षरमा "मेरो गणना, मेरो सहभागिता" लेखिएको छ त्यसैको छेउमा नेपालको झण्डा छ । त्यसपछी गोलो आकारमा साना अक्षरमा "जनगणनामा अपाङ्गता सहभागिता महत्वपर्ण छ । राष्ट्रिय जनगणना २०७८" लेखिएको छ। त्यसैको बाहिरपट्टि "राष्ट्रिय अपाङ्ग महासंघ नेपाल" लेखिएको छ। यस पोष्टरमा विशेष गरी दुई प्रकारका रंगिन चित्रहरू छन् । पहिलोमा नेपालको नक्शा छ जसमा विभिन्न जातजाति, लिङ्ग, संस्कृति झल्किने भेषभुषामा सजिएका नेपाली महिला परुषहरुको चित्र रहेको छ । उक्त नेपालको नक्साको मुनिपट्टी दोस्रो चित्र छ जसमा विभिन्न प्रकारका अपाङ्गता भएका व्याक्तिहरू, अभिभावक सहित चार महिला र पाँच पुरुष गरी जम्मा नौ जना व्यक्तिहरुको चित्र रहेकोछ । उनीहरूले ह्वीलचियर, वैशाखी, सेतो छडी जस्ता विभिन्न सहायक सामाग्रीको प्रयोग गरेका छन् । ति व्यक्तिहरूले जनगणनामा अपाङ्गता समावेशी र सहभागिताका लागि जनचेतना जगाउन विभिन्न नारा लेखिएका प्लेकार्डहरू बोकेर नारा लगाइरहेका छन् । प्लेकार्डमा लेखिएका नाराहरू यस प्रकार छन् । • मेरो सहभागिता महत्वपर्ण छ • जनगणना मेरो पनि उत्सव हो • ‍अपाङ्गता समावेशि जनगणना हामी सबैको चाहना • मेरो लागि योजना राष्ट्रिय जनगणजनाको आयोजना • हामी छुट्ने हौं की ? • मेरो सहभागिता महत्वपर्ण छ • राष्ट्रिय जनगणना मेरो पनि जनगणना • मेरो गणना मेरो सहभागिता • प्रत्येक व्याक्तिको गणना राष्ट्रिय जनगणना चित्रको सबै भन्दा तल देब्रेतिर राष्ट्रिय अपाङ्ग महासंघ, त्यसपछि केन्द्रिय तथ्याङ्क विभाग र त्यसपछि दाहिनेतिर क्रमश परीयोजना साझेदार डिपिओडि डेनमार्क र एफएफओ नर्वेको लोगो रहेको छ।
"मेरो जनगणना मेरो सहभागिता, राष्ट्रिय जनगणना २०७८" बिक्रम संवत २०७८ साल कार्तिक २५ गते देखि मंसिर ९ गते सम्म सञ्चालन हुन गईरहेको राष्ट्रिय जनगणनामा सबै अपाङ्गता भएका व्यक्तिहरूको गणना सुनिश्चित गरौँ । अपाङ्गता सम्बन्धी तथ्याङ्कको अभावमा अपाङ्गता भएका व्यक्तिको पक्षमा प्रभावकारी योजना, नीति र कार्यक्रम बन्न नसकिरहेको र उनीहरू राज्यबाट पाउने सेवा सुविधा र अवसरबाट बञ्चित भईरहेको वर्तमान परिप्रेक्षलाई मध्यनजर गर्दै सम्पूर्ण अपाङ्गता भएका व्यक्ति, उनीहरूका संघ-संस्था, यस क्षेत्रमा कार्यरत सम्पूर्ण सरोकारवाला, सञ्चार माध्यम, राजनैतिक दल, संघसंस्था, नागरिक समाज, नीजि क्षेत्र, अपाङ्गता भएका व्यक्तिका परिवार, आफन्त लगायत सबैले यस पटकको जनगणनामा अपाङ्गता भएका व्यक्तिको गणना सुनिश्चित गर्न र  गराउन आ-आफ्नो क्षेत्रबाट पहल गर्न राष्ट्रिय अपाङ्ग महासंघ नेपाल हार्दिक अनुरोध गर्दछ ।

VACANCY FOR PROVINCIAL ADVOCACY COORDINATOR POSITION AT NFDN

National Federation of the Disabled Nepal (NFDN) is the national umbrella organization of persons with disabilities representing more than 331 member organizations throughout the country. NFDN has been working for promoting the rights of persons with disabilities by contributing for…

Introduction to the project, Action for Inclusion

A two-day orientation program on 18 and 19 September was held at the Capital of Bagmati Province, Hetauda as a commencement of the new project across seven provinces of Nepal. The program was held to ensure team understanding on the…

परियोजनाका विभिन्न संरचनामा रहेर काम गर्ने सदस्यहरूको आवश्यकता सम्बन्धी सूचना

राष्ट्रिय अपाङ्ग महासंघ नेपाल देशैभरी छरिएर रहेका अपाङ्गता भएका व्यक्तिको हक अधिकारको संरक्षण गर्न वि. स.२०५० सालदेखि निरन्तर कृयाशिल एकमात्र राष्ट्रिय छाता संस्था हो । यस संस्थाले नीति निर्माणमा अपाङ्गता भएका व्यक्तिका सवालहरूलाई समावेश गराउन र बनेका नीतिहरूको कार्यान्वयन गराउनको लागि विशेष भूमिका खेल्दै आएको छ । राष्ट्रिय अपाङ्ग महासंघ नेपालले पछिल्लो समयमा अपाङ्गता समावेशी विकास, निर्णय प्रक्रियामा अपाङ्गता भएका व्यक्तिको प्रतिनिधित्व सुनिश्चित गर्न, सदस्य सँस्थाहरु (DPOs) र अन्य सरोकारवालाहरुको क्षमता विकास, CRPD को कार्यान्वयनमा काम गरिरहेको छ ।