राष्ट्रिय अपाङ्ग महासंघ नेपालका नवनिर्वाचित महासचिव सुगम भट्टराई द्वारा कफीखेति अनुगमन तथा निरीक्षण
राष्ट्रिय अपाङ्ग महासंघ नेपाल र कर्डेडको संयुक्त सहकार्यमा सिन्धुपाल्चोक जिल्लाको मेलम्ची नगरपालिका वडा नम्बर ५/६/१२ र काभ्रेपलान्चोक जिल्लाको मण्डनदेउपुर नगरपालिका वडा नम्बर ९/१०/११ मा सन २०२१ अप्रिल देखि अपाङ्गता समाबेशी हाम्रो कफी परियोजना संचालन हुदै आएको छ जसलाई आर्थिक सहयोग लाइट फर द वर्ल्डले गरेको छ I कफी मुल्य श्रृङ्खलाको माध्यमबाट अपाङ्गता भएका व्यक्तिहरुको आर्थिक उपार्जनमा वृद्धि गर्ने यो परियोजनाको मुख्य उद्देश्य रहेको छ I परीयोजनाको शुरुवाती चरणमा लक्षित वर्गलाइ प्रति घरधुरी २०० वटा कफी बिरुवा वितरण गर्नुको साथै बिरुवा संरक्षणको लागि परियोजना बाट नै आवस्यक तालिम तथा प्राविधिक सहयोग गरिएको थियो | केहि किसानहरुबाट थप बिरुवाको माग भएको र उनीहरु संग निरन्तर अन्तरक्रिया र अनुगमन पश्चात माग भए बमोजिम बिरुवा पुन बिरुवा बितरण गरिएको थियो |
परियोजनाको अवधि सकिन केहि महिना बाँकी हुँदा मिति २०७९पुष १ गते राष्ट्रिय अपाङ्ग महासंघ नेपालका नवनिर्वाचित महासचिव सुगम भट्टराईले कफी खेतिको निरीक्षण गर्नु भएको छ | स्थानीय कफी किसानहरु संग प्रतक्ष्य भेटघाट गरि उनीहरुले खेति किसानी गर्दा भोगेका चुनौतीहरु, कफी बिरुवा संरक्षणको लागि उनीहरुले गरेका प्रयासहरु र राष्ट्रिय अपाङ्ग महासंघ संग उनीहरुले गरेको अपेक्षाको बारेमा छलफल गर्नु भएको थियो | परियोजना शुरु भएको लगभग २० महिना पुग्दै गर्दा कफीमा चेरी लाग्न थालेको छ | कफी किसानहरु आफ्नो आम्दानिको श्रोतमा वृद्धि हुने देखि पछी अत्यन्तै हर्षित भएका छन् भने परियोजनाको समय सकिन लागेकोमा चिन्तित पनि छन् |
Share this post:
