१६औं साधारणसभा तथा सातौं महाधिवेशन सम्पन्न, नयाँ केन्द्रीय कार्यसमिति चयन

समाचार

पोखरा, पुस १३ । राष्ट्रिय अपाङ्ग महासङ्‍घ– नेपालले २०७२ साल पुस ११ र १२ गते सुन्दर पर्यटकीय नगरी पोखरामा आफ्नो १६औँ वार्षिक साधारणसभा तथा सातौं महाधिवेशन भव्यताका साथ सम्पन्न गरेको छ ।

यसै महाधिवेशनबाट संस्थाले आफ्नो २०७१ सालमा संशोधित नयाँ विधान अनुसार केन्द्रीय कार्य समितिको समेत निर्वाचन गरेको छ । कार्य समितिको अध्यक्ष पदमा सुदर्शन सुवेदी पुनः निर्वाचित हुनुभएको छ भने महिला उपाध्यक्षमा टीका दाहाल, वरिष्ट उपाध्यक्षमा देवीबहादुर पोखरेल, महासचिवमा राजु बस्नेत, कोषाध्यक्षमा कुमार रेग्मी र सचिवमा ओमप्रकाश बञ्‍जाडे निर्वाचित हुनुभएको छ ।

महासङ्‍घको संशोधित विधान अनुसार केन्द्रीय कार्य समिति ३९ जनाको हुन्छ, जसमा अध्यक्षसहित ६ पदाधिकारी र ३३ सदस्य रहने व्यवस्था छ । समितिमा ३४ प्रत्यक्षरूपमा निर्वाचित हुने र ५ मनोनीत गरिने व्यवस्था छ ।

कार्य समितिमा अपाङ्गताका विभिन्न वर्ग, अशक्तताको अवस्था, अपाङ्गता भएका महिला, बौद्धिक अपाङ्गता भएका व्यक्तिका अभिभावक, ५ विकास क्षेत्र, कर्णाली क्षेत्र, दलित, जनजाति, मधेशीलगायतको प्रतिनिधित्व हुने व्यवस्था रहेको छ ।

यस अंकका अन्य सामाग्री पढ्नका लागी विषयसुचीमा फर्कनुहोस्।

Share this post: