अपाङ्गता भएका व्यक्तिहरूमा भएको प्रतिभाको खोजी सम्बन्धी सूचना

अपाङ्गता भएका व्यक्तिहरूमा भएको प्रतिभाको खोजी सम्बन्धी सूचना

• के तपाई प्रतिभावान अपाङ्गता भएको व्यक्ति हुनुहुन्छ ?
• के तपाईले आफ्नो अन्तर्निहित प्रतिभा प्रस्फुटन गर्ने अवसर पाइरहनु भएको छैन ?
• यदि हो भने हामी तपाईलाई आफूमा भएको प्रतिभालाई प्रस्फुटन गर्ने सुनौलो अवसर प्रदान गर्दछौं ।

के कोशी प्रदेशमा अपाङ्गता भएका व्यक्तिहरु भित्र लुकेर रहेको विभिन्न प्रतिभाहरु छ ? यदी छन भने आउनुहोस् हामी तपाईहरुको प्रतिभा प्रस्फुटन गराउन सहयोग गर्नेछौं ।
राष्ट्रिय अपाङ्ग महासंघ नेपाल-कोशी प्रदेशले करुणा फाउण्डेसन नेपाल र कोशी प्रदेश सरकार सामाजिक विकास मन्त्रालयको सहकार्यमा अपाङ्गता भएका व्यक्तिहरुमा अन्तर्निहित प्रतिभाको प्रस्फुटन गराई उनीहरुमा रहेको नवीनतम सीप, कला तथा क्षमताको विकास र प्रवर्द्धन मार्फत व्यवसायिक बनाउने मुख्य उदेश्यको साथ प्रतिभाको खोजी कार्यक्रमको आयोजना गर्दैछ ।
प्रतिभाको खोजी कार्यक्रमको लागि निम्न विधाहरूमा प्रतिभाहरू पठाउन सक्नुहुनेछ ।

• प्रतिभा विधाहरू:

  • साहित्य (कविता वाचन)
  • वक्तृत्वकला
  • संगीत तथा गायन
  • अभिनय / क्यारिकेचर
  • नृत्य
  • चित्रकला
  • हस्तकला
  • नवप्रवर्द्धन (इनोभेसन)
  • अन्य

• नोट: माथि उल्लेखित विधा बाहेकको अन्य विशेष सीप तथा क्षमता पनि प्रस्तुतिकरण गर्न सक्नुहुनेछ ।

नियमहरु:

• भिडियो, अडियो तथा फोटो संस्थाले उपलब्ध गराएको ठेगानामा आवेदन फारम सहित अनलाईन मार्फत पठाउनु पर्नेछ ।
• प्रतिभा सम्बन्धी भिडियो तथा अडियो बढीमा ३ मिनेटको हुनु पर्नेछ ।
• भिडियो पठाउँदा देखाउन खोजेको सन्देश बुझ्न, मापन गर्न र निर्णय लिन सकिने गरि सृजनात्मक ढंगले प्रस्तुत भएको हुनुपर्नेछ ।
• आवेदकहरुले सहभागीताको लागी पठाउनु भएको भिडियो, अडियो तथा फोटोहरु समितिले मुल्याङ्कन गरी दोस्रो चरणमा प्रत्यक्ष रुपमा प्रस्तुतीकरण गर्ने मौका आयोजक संस्थाले उपलब्ध गराउने छ । साथै छनौट सम्वन्धि सम्पुर्ण अधिकार समितिमा निहित रहनेछ ।
• विभिन्न विधामा उत्कृष्ट प्रतिभाहरुलाई सम्मान गरी व्यवसायिकता तर्फ उन्मुख गरिनेछ ।
• कार्यक्रममा सहभागी हुन चाहानेहरुले मिति २०८२ वैसाख १४ गते भित्र आवेदन पठाई सक्नु पर्ने छ । तोकिएको समय अवधि भन्दा पछि प्राप्त भएका तथा रित रित नपुगेका आवेदकहरुलाई यस कार्यक्रममा सहभागिता गराउन नसकिने व्यवहोरा जानकारी गराईन्छ ।
• सहभागीताको लागि निवेदन आफै वा अरुको सहयोगमा तलको ठेगानामा पठाउन सकिनेछ ।
• आवेदकहरुसंग बहुप्रतिभा भएमा एक भन्दा वढी विधामा पनि आवेदन दिन सकिनेछ ।

विस्तृत जानकारी तथा प्रतिभा पठाउनको लागी:

प्रतिभा सम्बन्धी भिडियो, अडियो तथा फोटो र फारम पठाउँने ठेगानाः
इमेल : talenthuntkoshi@gmail.com
ह्वाट्सएप: ९८१५९८४५८०, ९८०४३५४३३४
फेसवुक मार्फत पठाउनका लागी : अपाङ्गता सहायता कक्ष कोशी https://www.facebook.com/messages/t/61561176146556

आयोजक:
राष्ट्रिय अपाङ्ग महासंघ-नेपाल
राष्ट्रिय अपाङ्ग महासंघ नेपाल कोशी प्रदेश, विराटनगर

 

• आवेदन फारमको लिंङ्क : https://qr-codes.io/pA49Gy
• आवेदनको लागि तलको QR Scan गर्नुहोस् ।